АДАЛДЫҚ САҒАТЫ: «ТУРАЛЫҚТЫ ТҰҒЫР ЕТКЕН ТӨЛЕ БИ»
| 
| Қаралды: 27Сыбайлас жемқорлыққа қарсы іс-қимыл агенттігінің кезекті «Адалдық сағаты» қазақ халқының шешендік өнеріне, ел бірлігін нығайтуға орасан үлес қосқан ойшыл, дана, туралығын айтар шешен Төле би бабамыздың жас ұрпаққа өнеге болар ғибратты ғұмыры мен өсиеттеріне, даналығы мен жеке қасиеттеріне арналды. «Туралықты тұғыр еткен Төле би» тақырыбындағы онлайн-бейнедәріс барысында жастар Төле бидің осынша тарихи биік тұлға дәрежесіне жетуіне себеп болған тұлғалық қасиеттерімен танысты.
Соның негізгілері: ел мұратына деген кіршіксіз адалдық, билік айтардағы қара қылды қақ жарған әділдігі, ақиқатты ту етіп көтеруі.
Төле бидің өмірлік ұстанымындай болған «Тура биде туған жоқ, туғанды биде иман жоқ» деген сөзі адалдық пен парасаттылықтың, әділдік пен туралықтың биік өлшемі. Нақты осы қасиеттері бүгінгі өскелең жас ұрпақ үшін – таптырмас өнеге.
Төле бидің өмірі дүниеге жаңа қадам басқан жастардан бастап, ересек тұлғаларға дейін рухани ұстаным бола алады.
Заманын болжай білген Төле би «Алдыңа келсе бітпес дау, әділін айтып қорғаңыз» деп әділдікті ең басты құндылық ретінде ұстанады.
Сондықтан да бабамыздың әрбір сөзі тәрбиелік мәні зор адамгершіліктің алтын қоймасы іспеттес.
Төле би әр істе ұятты ұмытпауға шақырады. Жаман қасиеттерден алшақ болуға, еңбексүйгіштікке үндейді: «Жас адамға басты кесір – еріншектік, ортаншы кесір – ұйқышылдық, кенже кесір – тілазарлық» деп жағымсыз қасиеттерден сақтандырады.
Төле би бабамыздың ізгі әрекеттері мен биік болмысы, даналығы мен тапқырлығы, қара қылды қақ жарып айтар туралығы, әділ шешімі мен билік кесімдері елге қызмет етемін деген әрбір азаматқа үлгі болуы тиіс.
Дана бидің ұрпағына аманат еткен асыл сөздері нағыз ақиқат пен парасаттылықтың ұшқыны ретінде «Мәңгілік ел» идеясымен ұштасып жатқандай.
Естеріңізге сала кетсек, Агенттікпен жастар арасында парасаттылық пен патриоттық сезімді нығайту мақсатында, әр апта сайын атақты тұлғалар мен Қазақстанның жас көшбасшыларының еңбегі мен өмір жолына негізделген онлайн «Адалдық сағаттары» өткізілуде.
Бейне-дәріске сілтеме:
Мың бала
| | Қаралды: 34
Березовка ЖОББМ тамақтану бойынша ақпарат
| | Қаралды: 40
Березовка ЖОББМ ыстық тамақ ұйымдастырылды. 53 оқушы барлығы ыстық тамақпен қамтылды.
Оның ішінде 12 бала жалпы мектеп қорынан.
"Бəрі де махаббаттан басталады"
| | Қаралды: 54
Березовка ЖОББМ өзін-өзі тану онкүндігі аясында "Бəрі де махаббаттан басталады" тақырыбында 5-8 сынып оқушылар арасында мəнерлеп оқу байқауы өтті. Оқушылар өлең арқылы отанға, анаға , табиғатқа, отбасына деген сүйіспеншіліктерін білдірді. Жеңімпаз аталған балалар грамотамен марапатталды.
Жақсылық жасаймыз
| | Қаралды: 61Березовка ЖОББМ өзін-өзі тану онкүндігі барысында бастауыш сынып оқушыларын мейірімділікке, жанашырлыққа, қайырымдылыққа тәрбиелеу мақсатында "Жақсылық жасаймыз" тақырыбында бейнероликтер , мультфилімдер көрсетілді. Балалар алған əсерлерімен бөлісіп, өз пікірлерін айтты. Жауапты А.А.Жанакулова
